Հայաստանը մնում է համեմատաբար անվտանգ երկիր ահաբեկչական սպառնալիքների առումով: Այս մասին, այսօր՝ նոյեմբերի 26-ին Կառավարության նիստից հետո լրագրողների հետ զրույցում նշել է Հայաստանի ԱԳ փոխնախարար Շավարշ Քոչարյանը:
«Ահաբեկչության վտանգն սպառնում է ողջ աշխարհին, բայց պետք է տարբերել պետական ահաբեկչությունը կազմակերպված ցանցի միջոցով կատարվող ահաբեկչությունից: Մենք պետք է հասկանանք՝ ինչի մասին ենք խոսում:
Եթե խոսում ենք միջազգային ցանցերի մասին, ապա ցանկացած պետություն միշտ պետք է զգույշ լինի: Հիմա Հայաստանը համեմատաբար անվտանգ երկիր է այդ տեսանկյունից»,-հավելել է փոխնախարարը՝ մեկնաբանելով Հայաստանի ԱԱԾ-ի կողմից Երեւանում զինված խմբի վնասազերծման մասին հայտարարությունը, որը ըստ ԱԱԾ-ի, երկրում ահաբեկչություններ էր նախապատրաստում: