Մոսկվան հավաստիացնում է, որ ռուսական «Սու 24» ռմբակոծիչը խոցած թուրքական կողմի գործողությունները լուրջ հետեւանքներ կունենան երկկողմանի հարաբերությունների համար ու անարձագանք չեն մնա, ասված է ՌԴ ԱԳՆ հաղորդագրության մեջ, որը տարածվել է հինգշաբթի :
Ռուսաստանի արտաքին քաղաքականության գերատեսչության տվյալներով նոյեմբերի 25-ին Կոպենհագենում կայացել է Ռուսաստանի առաջին փոխարտգործնախարար Վլադիմիր Տիտովի զրույցը Դանիայի ԱԳն ղեկավար Քրիստիան Յենսենի հետ, նաեւ խորհրդակցություններ՝ Դանիայի նախարարության քարտուղարի հետ, հայտնում է «ՌԻԱ Նովոստին»:
«Միջազգային խնդիրների քննարկման շրջանակում ռուսական կողմը միջադեպի վերաբերյալ մանրակրկիտ գնահատականներ է տվել, երբ թուրքական ՌՕՈւ Սիրիայում ոչնչացրել են ռուսական «Սու 24 Էմ» օդանավը : Շեշտվել է Թուրքիայի գործողությունների բացահայտ միտումնավոր ու սադրիչ բնույթը եւ նշվել, որ դրանք լուրջ հետեւանքներ կունենան երկկողանի հարաբերությունների համար ու անարձագանք չեն մնա»,- ասված է ՌԴ ԱԳՆ հաղորդագրության մեջ:
