Ռուսաստանի նախագահը հայտարարել է, որ որոշ երկրներ հովանավորում են միջազգային ահաբեկչության զարգացումը: Այս մասին Պուտինը հայտնել է նոր դեսպաններին հավատարմագրեր հանձնելու արարողության ժամանակ:
«Ահաբեկիչներին, նավթի, մարդկանց, թմրադեղերի ու արվեստի գործերի նրանց ապօրինի առեւտուրը ոչ միայն հովանավորել են ու հովանավորում են, այլեւ դրա հաշվին ոմանք շարունակում են փող աշխատել, ընդ որում հարյուր միլիոնավոր ու միլիարդավոր դոլարներ»,- ասել է Պուտինը, հայտնում է Gazeta-ն:
«Մենք անբացատրելի ենք համարում մեջքից ստացած դավաճանական հարվածները նրանցից, ում դաշնակից էինք համարում ահաբեկչության դեմ պայքարում: Այն ինչ երկու օր առաջ կատարվեց Սիրիայի երկնքում, հակասում է սթափ դատողությանը ու միջազգային իրավունքին»,- հայտարարել է նախագահը՝ Թուրքիայի ղեկավարությանը հանդիմանելով ներողությունների ու կատարվածի համար մեղավորներին պատժելու խոստումների բացակայության համար:
«Տպավորություն է ստեղծվում, որ Թուրքիայի ղեկավարությունը գիտակցաբար է ռուս-թուրքական հարաբերությունները փակուղի տանում: Ցավալի է, եթե այդպես է»- ասել է Պուտինը:
