Օդանավի նույն խախտումն այսօր էլ լինի, Թուրքիան նույն պատասխանը տալու իրավիճակում է գտնվում։ Նման հայտարարություն է արել Թուրքիայի նախագահ Ռեջեփ Թայիփ Էրդողանը։
Թուրքական CNNturk-ի փոխանցմամբ՝ գյուղապետերի հետ հանդիպման ժամանակ Էրդողանն անդրադարձել է ռուսական ռմբակոծիչի հետ կապված միջադեպին՝ պնդելով, թե որեւէ խոսք չի կարող լինել, թե Թուրքիան ինչ-որ երկրի նկատմամբ ուղիղ ձեւով ռազմական միջամտություն է անելու։ «Ամբողջ աշխարհը ճիշտ համարեց մեր քայլը, սակայն դա սկսեց ազդել երկու երկրների միջեւ քաղաքական-տնտեսական ոլորտներին, ինչը սխալ ենք համարում։ Նույն խախտումն այսօր էլ լինի, Թուրքիան նույն պատասխանը տալու իրավիճակում է գտնվում։ Այդ հարցում պետք է ինքն իրեն հաշիվ տա խախտում անողը, ոչ թե երկիրը, որի սահմանը խախտել են»,-ասել է Էրդողանը։
