Սիրիայում ռուսական Խմեյմիմ ավիաբազայում նոյեմբերի 26-ին մարտական հերթապահության է անցել զենիթահրթիռային C-400 համակարգը: Այն Ռուսաստանից Սիրիա է ուղարկվել նախագահ Վլադիմիր Պուտինի եւ պաշտպանության նախարար Սերգեյ Շոյգուի որոշմամբ: Այս մասին հայտարարել է ՊՆ պաշտոնական ներկայացուցիչ, գեներալ-մայոր Իգոր Կոնաշենկովը:
С-300F համակարգի հետ միասին С-400-ը պետք է ապահովի բազայի անվտանգությունը՝ ոչնչացնելով օդային ցանկացած վտանգավոր թիրախ:
С-400-ը Սիրիա ուղարկելու որոշումը Վլադիմիր Պուտինն ընդունել է Պաշտպանության նախարարության դիմումի համաձայն, թուրքական F-16-ի կողմից Սու-24-ի խոցումից հետո: Համակարգը Սիրիա է հասցրել ԱՆ-124 ռազմական բեռնատար ինքնաթիռը:
