Ոսկին շարունակում է մնալ ամենապահանջված պահուստային ակտիվներից մեկը եւ աշխարհի կենտրոնական բանկերը շարունակում են ավելացնել իրենց ոսկու պաշարները: Այս մասին ասված է Ոսկու համաշխարհային խորհրդի (World Gold Council) 2015-ի երրորդ եռամսյակի ամփոփագրում:
Հաշվետվու ժամանակաշրջանում կենտրոնական բանկերը իրենց ոսկու ընդհանուր պաշարներն ավելացրել են 175 տոննայով կամ մոտավորապես այնքան, որքան 2014-ի 3-րդ եռամսյակում (179,5 տոննա):
Ոսկու ակտիվ գնորդ է Չինաստանի ժողովրդական բանկը, որը այս տարվա հուլիսին հայտարարել է, որ իր ոսկու պաշարները 2009-ի համեմատ ավելացել են ավելի քան 50 տոկոսով, իսկ հուլիս-սեպտեմբերին ՉԺՀ ազգային բանկը գնել է եւս 50,1 տոննա ոսկի:
