Ռուսաստանի նախագահ Վլադիմիր Պուտինը հայտարարել է, որ Ֆրանսիայի նախագահ Ֆրանսուա Օլանդի հետ բանակցություններում առաջնահերթ ուշադրություն են դարձրել ահաբեկչության դեմ համատեղ պայքարին խնդրին: ՏԱՍՍ-ի փոխանցմամբ, Պուտինը հայտարարել է, որ Ֆրանսիան եւ Ռուսաստանը միասնական են հանցագործներին գտնելու եւ պատժելու մտադրության հարցում:
Ըստ Ռուսաստանի նախագահի, ահաբեկիչների հետ սեթեւեթելու եւ նրանց սեփական նպատակների համար նրանց օգտագործելու՝ որոշ երկրների փորձերը հենց նրանց դեմ կշրջվեն:
Ռուսաստանն ու Ֆրանսիան պայմանավորվել են ակտիվացնել ահաբեկչության դեմ պայքարում ջանքերը, տեղեկատվության փոխանակումը:
Ֆրանսուա Օլանդն իր հերթին հայտարարել է, որ ռուսական ինքնաթիռի դեմ սարսափելի ահաբեկչությունից հետո Պուտինը կարող է հույս դնել Ֆրանսիայի աջակցության վրա:
