Սու-24 ինքնաթիռի հետ կապված միջադեպից հետո Էրդողանի հրաժարականի հնարավորությունը Ռուսաստանին բացարձակ չի վերաբերում: Ըստ Gazeta-ի, Ֆրանսիայի նախագահ Ֆրանսուա Օլանդի հետ բանացությունների արդյունքներով կայացած ճեպազրույցում այս մասին հայտարարել է ՌԴ նախագահ Վլադիմիր Պուտինը:
«Մեր գործը չէ, Թուրքիայի նախագահը հրաժարական կտա, թե՞ ոչ: Դա թուրք ժողովրդի գործն է: Մենք երբեք դրան չենք միջամտել եւ չենք միջամտելու: Բայց ցավալի է, որ միջպետական հարաբերությունների աննախադեպ մակարդակը, որը ձեռք էր բերվել Թուրքիայի հետ վերջին տարիներին, իսկապես շատ բարձր մակարդակի վրա էր, մենք Թուրքիային ոչ միայն հարեւան, այլեւ բարեկամ պետություն էին համարում, գրեթե դաշնակից, ցավալի է, որ դա այսքան անմտորեն եւ կոպտորեն քանդվում է»,- հայտարարել է նա:
Ավելի վաղ ՌԴ նախագահ Վլադիմիր Պուտինն արդարացում էր կոչել Թուրքիայի նախագահի խոսքերն այն մասին, որ թուրքական ՌՕՈՒ-ն չի իմացել, որ խոցված Սու-24-ը Ռուսաստանին է պատկանում:
