Ղրղզստանի նախագահի աշխատակազմի նախկին ղեկավար Դանիյար Նարիմբաեւը դատապարտվել է 3 տարվա ազատազրկման։ Այս մասին ՏԱՍՍ-ին հայտնել են հանրապետության Գերագույն դատարանի քարտուղարությունից։
«Նարիմբաեւն այսօր Բիշքեքի Պերվոմայսկի դատարանի կողմից մեղավոր է ճանաչվել «խարդախություն» հոդվածի համաձայն։ Դատարանը վճիռ է կայացրել նաեւ ունեցվածքի առգրավվման մասին»,- նշել են դատարանից։
Դանիյար Նարիմբաեւը պատիժը կրելու է խստացված ռեժիմով գաղութում։
