ՌԴ Նովոսիբիրսկի քննիչները հետաքննում են պայթյունի պատճառները, որը որոտացել է փողոցում կանգնած մեքենայում, եւ որի հետեւանքով մահացել են օրենսդիր ժողովի պատգամավոր Օքսանա Բոբրովսկայան եւ նրա ամուսինը: Քննվում են ողբերգության բոլոր վարկածները: Իրավապահները չեն բացառում, որ պատգամավոր կնոջ ամուսինը կարող էր պայթուցիկ գործի դնել խանդի պատճառով:
Քննությունը պարզել է պայթուցիկ սարքի տեսակը: Ըստ այդմ, խոսքը F-1 նռնակի մասին է, հաղորդում է «Ինտերֆաքսը»:
«Մեքենայի սրահում նռնակ է պայթել: Մենք դեռ չենք հաստատում, որ մահացած կնոջ ամուսինը նախկին կամ ներկա զինծառայող է: Ամենայն հավանականությամբ, այդ պահին նա գործազուրկ է եղել»,-ասել են Քննչական կոմիտեի տարածաշրջանային բաժանմունքից:
Toyota RAV-4 մեքենայի սրահից նռնակի բեկորներ են հայտնաբերվել: Դեպքը տեղի է ունեցել նոյեմբերի 26-ին Նովոսիբիսկի Օկտյաբրսկի շրջանում, Տատյանա Սնեժինայի փողոցում: Ոստիկանության տվյալներով, մարմինները եղել են մեքենայի հետեւից նստարանին:
Հարուցվել է քրեական գործ երկու հոդվածով՝ «երկու անձի սպանություն» եւ «պայթուցիկը սարքերի ապօրինի ձեռք բերելը, պահելը, փոխանցելը եւ կրելը»: