Հայաստանի քաղաքական համակարգի գլխավոր թերություններից մեկն այն է, որ մինչեւ հիմա չի ձեւավորվել ընտրողի ինստիտուտը, իսկ ընտրությունը հիմնականում նույնացվել է քվեարկության հետ, մինչդեռ դրանք տարբեր բաներ են: Այս մասին նշել է «Լուսավոր Հայաստան» նախաձեռնության անդամ Հայկ Կոնջորյանը:
«Լուսավոր Հայաստանի» տարածած հերթական տեսանյութում նա ընդգծում է, որ քվեարկությունը մեկանգամյա ակտ է, որը կարող է կատարվել տարբեր գործոնների ազդեցության ներքո, ընտրակաշառք, խնամի-ծանոթ-բարեկամ, մանիպուլյացիաներ եւ այլն:
«Եթե չկա գիտակցված ընտրություն, ապա քվեարկողը չի ստանձնում պատասխանատվություն իր կատաած ընտրության համար, իսկ իշխանությունը չի ստանցնում պատասխանատվություն քվեարկողի առջեւ:
Մեր նպատակն է` Հայաստանում ձեւավորել ընտրողի ինստիտուտը եւ քվեարկողին փոխարինել ընտրողով: Ձեւավորելով մեր ընտրողին, մենք կստանձնենք քաղաքական պատասխանատվություն նրա առջեւ, կստեղծենք կայուն ընտրազանգված եւ ձեռք կբերենք ամուր սոցիալական հենարան, որը կդառնա մեր գլխավոր հաղթաթուղթը` ընտրական եւ հետընտրական գործընթացներում»,-ասված է տեսանյութում: