Հոլանդիայի Էնսհեդե քաղաքում, Գերմանիայի հետ սահմանի մոտ, միգրանտների համար կառուցվող կենտրոնի շինարարները խոզի գլուխներ են հայտնաբերել, հաղորդում է Tubantia-ն:
Պարբերականի տվյալներով, խոզի 9 գլուխներ են եղել կառուցվող կենտրոնի ցանկապատի վրա, եւս 4-ը՝ գետնին, իսկ մեկը՝ լուսացույցի վրա: Նույն տեղում հայտնաբերվել է նաեւ արյունով փաթեթ: Իրավապահների տվյալներով, հենց դրանով են չարագործները բերել խոզի գլուխները:
Ոստիկանների խոսքով, իրավախախտների գործողությունները սպառնալիք չեն եղել որեւէ մեկի համար, սակայն շրջակա միջավայրի դեմ ուղղված հանցագործություն են համարվում:
Ոստիկանները հակված չեն տեղի ունեցածն ուղղակիորեն կապել միգրանտների նկատմամբ ատելության հետ, հաղորդում է Lenta-ն:
Այդուհանդերձ, Twitter-ում տարածվել են լուսանկարները հետեւյալ գրությամբ. «Եթե ժողովրդավարությունը չի աշխատում, մարդիկ չար ու վճռական են դառնում»:
