ՀՀ ոստիկանության Դիտորդական խումբն այսօր՝ նոյեմբերի 27-ին, այցելություն է կատարելլ ՀՀ ոստիկանության Երեւան քաղաքի վարչության Երեւանի ՁՊՎ հանդիպել է նոյեմբերի 25-ին Նորք -Մարաշ 9-րդ փողոցի դեպքերի հետ կապված ձերբակալված եւ տվյալ ՁՊՎ-ում պահվող 18 ձերբակալվածների հետ:
Դիտորդական խմբից հայտնում են, որ 18 ձերբակալվածներից ոչ ոք գանգատներ չունեին թե՛ ՁՊՎ-ի պահման պայմաններից եւ թե՛ ՁՊՎ-ում ծառայություն իրականացնող ոստիկաններից: Բոլոր ձերբակալվածներն էլ հայտնեցին որ սնունդ ընդունել են եւ ունեն փաստաբաններ:
Դիտորդական խմբի կողմից որոշ իրավունքների մասին տեղեկացվեց ձերբակալվածներին, որոնց մասին իրազեկված չէին:
Ձերբակալվածներից Գ. Ջ-ն հայտնեց, որ սնունդ չի ընդունում եւ հացադուլ է հայտարարել:
Դիտորդական խումբը պարզեց, որ Գ.Ջ-ն հացադուլ հայտարարելու վերաբերյալ դիմում եւ պահանջ չի ներկայացրել: Դիտորդական խմբի կողմից Գ. Ջ-ին բացատրվեց, որ ՁՊՎ-ի վարչակազմին պետք է դիմում եւ պահանջ ներկայացնել հացադուլի վերաբերյալ: Դիտորդական խումբը միաժամանակ ցանկացավ պարզել հացադուլ հայտարարելու պահանջը, ձերբակալված Գ.Ջ-ն հայտնեց, որ դիմումը ներկայացնելուց առաջ պահանջը կհստակեցնի եւ կներկայացնի:
Միաժամանակ Դիտորդական խումբը պարզեց, որ վարույթն իրականացնող մարմնի կողմից արգելված էր թե՛ տեսակցության եւ թե՛ հեռախոսազանգի իրավունքից օգտվելու իրավունքները:
Դիտորդական խումբը տվյալ ձերբակալվածներին ՁՊՎ-ում պահելու ընթացքում կպահի իր ուշադրության կենտրոնում եւ կփորձի տեղեկություններ հաղորդել:
