Հայաստանի հանրապետության Սահմանադրության մեջ փոփոխությունների հանրաքվեում ԱՊՀ դիտորդական առաքելությունը ու նրա շտաբը ՀՀ ԱԳՆ հրավերքով 2015 թ. նոյեմբերի 26-ին անցել են իրենց գործառույթների կատարմանը:
Այդ նույն օրը առաքելության ղեկավար Ե. Սլոբոդան հանդիպել է ՀՀ փոխարտգործնախարար Ա. Հովակիմյանի հետ: Հանդիպման ընթացքում քննարկվել են հանրաքվեին, դրա նախապատրաստմանը ու անցկացմանը միջազգային կազմակերպությունների մասնակցությանը վերաբերող հարցեր: Առաքելության ղեկավարը նշել է, որ ԱՊՀ դիտորդների խնդիրն է նպաստել հանրաքվեի ազատ ու ժողովրդավարական անցկացմանը, որը պետության ներքին գործն է:
Ինչպես NEWS.am-ին հայտնել են ԱՊՀ դիտորդական առաքելության շտաբի մամուլի ծառայությունից, դիտորդները նոյեմբերի 27-ին հանդիպել են ՀՀ ԿԸՀ նախագահ Տ . Մուկուչյանի հետ: Կայացած զրույցի ընթացքում ԱՊՀ դիտորդներին մանրակրկիտ տեղեկացրել են հանրաքվեի տեղամասային հանձնաժողովների ձեւավորման ու դրանց անդամների ուսուցմանն ուղղված ԿԸՀ գործունեության մասին: Նաեւ ԿԸՀ նախագահը պատմել է ԿԸՀ-ի ստացած դիմումներ ու առաջարկների եւ դրանց քննարկման արդյուքնների մասին:
Ե. Սլոբոդան էլ իր հերթին պատմել է առաքելության կարգի ու սկզբունքների ու դրա ձեւավորման մասին: Առաքելությունը իր գործունեությունն իրականացնելու է քաղաքական չեզոքության սկզբունքներով՝ ինքնուրույն ու անկախ, պահպանելով տվյալ երկրի օրենքները:
Առաքելությունը շարունակում է հետեւել հանրաքվեի նախապատրաստմանն ու անցկացմանը եւ այսուհետ էլ տեղեկացնելու է իր գործունեության մասին: