Ադրբեջանի Պաշտպանության նախարար գեներալ-գնդապետ Զաքիր Հասանովի հրամանով Ռազմա-օդային եւ Հակաօդային պաշտպանության ուժերը, զինավարժությունների շրջանակում ռազմական պատրաստականության վիճակի են բերվել: Այդ մասին տեղեկացնում են ադրբեջանական լրատվամիջոցները` վկայակոչելով Ադրբեջանի Պաշտպանության նախարարությանը:
Տեղեկության համաձայն, անսպասելի ահազանգից հետո` իրավիճակում, որը մոտ էր ռազմականին, անձնակազմը ոտքի է հանվել մարտականության, գործնական հմտությունների, ինչպես նաեւ ռազմատեխնիկայի պատրաստականության ստուգման նպատակով:
Ուսումնական կենտրոնում «Բոռ» 9A33BM-3 զենիթա-հրթիռային համալիրների օգտագործմամբ ստուգվել է ՀՕՊ-ի զորամիավորումների առաջ դրված ռազմական առաջադրանքների կատարման աստիճանը:
