Նոյեմբերի 27-ին Viber-ը շուրջ 1.5 ժամ մասամբ անհասանելի է եղել օգտատերերի համար: Այս մասին Viber-ի թիմը հայտնել է Twitter-ի իր պաշտոնական էջում:

Օգտատերերի պնդմամբ, բջջային սարքավորումները միացել են ցանցին, սակայն հաղորդագրություններ չեն ուղարկել եւ ստացել: Որոշ օգտատերեր էլ ընդհանրապես չեն կարողացել միանալ ցանցին:

Ըստ Lenta.ru-ի, Viber-ի թիմը փորձել է Twitter-ի միջոցով պատասխանել յուրաքանչյուր բացասական արձագանք, իսկ առաջին բողոքները ստանալուց հետո շուրջ 1.5 ժամ անց տեղեկացրել մեսենջերի աշխատանքի վերականգնման մասին եւ օգտատերերին հաջող ուրբաթ մաղթել: