Թունիսի ոստիկանությունը նոյեմբերի 24-ին երկրի նախագահի թիկնապահների ավտոբուսը պայթենելուց առաջ ձերբակալել է մահապարտ-ահաբեկչին, սակայն ապացույցների բացակայության պատճառով բաց է թողել:
Իրավապահ մարմիններում Reuters-ի աղբյուրները տեղեկացրել են, որ Թունիսի քաղաքացի Հուսսամ Աբդելիին, որի մնացորդները հայտնաբերվել են ահաբեկչության վայրում, ավելի վաղ ոստիկանությունը ձերբակալել է ջիհադականների հետ կապի կասկածանքով: Բացի այդ, նրա տանը իսլամական գրականություն է հայտնաբերվել:
Ըստ ՌԻԱ Նովոստիի, ավելի վաղ ոստիկանությունը հաղորդել էր, որ նախնական անալիզի արդյունքում ճանաչել են երկրի նախագահի անվտանգության ծառայության 12 աշխատակցի ինքնությունը: ԴՆԹ-ի անալիզը բացահայտել է նաեւ Թունիսի քաղաքացի, 1988 թվականին ծնված Հուսամ բեն Հեդի բեն Միլեդ Աբդելիի ինքնությունը, որը պայթեցրել է նախագահի թիկնապահների ավտոբուսը:
