Գլիտեր անունով կատուն փախել է Շվեդիայից, իսկ երկու ամիս անց հայտնաբերվել տանից 2.000 կմ հեռու: Այս մասին հաղորդում է NTV.ru՝ վկայակոչելով Local-ին:
Երբ 8 շաբաթ անց կենդանուն գտնելու հույսը մարում է, նրա տիրոջը՝ Սեմի Կառլսոնին զանգահարում են Ֆրանսիայի հարավային Նիմ քաղաքից եւ հայտնում, որ կատուն այնտեղ է: Փախստականի ինքնությունը հաստատում են ականջի մեջ տեղադրված միկրոչիպի օգնությամբ:
Թե ինչպես է Գլիտերը հայտնվել տանից այդքան հեռու, հայտնի չէ: Այժմ Սեմի Կառլսոնը հույս ունի, որ մինչ տոները կենդանին տանը կլինի: Մինչ այդ, Գլիտերին պետք է փաստաթուղթ տան եւ կատաղության դեմ պատվաստեն: