Թուրքիայի Բաթման նահանգում նոյեմբերի 27-ին մի խումբ անձիք դանակներով հարձակվել են դպրոցի բակում կանգնած աշակերտների վրա։
Ինչպես տեղեկացնում է թուրքական T24.com կայքը, հարձակումը տեղի է ունեցել Բաթմանի «Անադոլու» լիցեյի վրա։ Հարձակման հետեւանքով դանակահարված 10 աշակերտ տեղափոխվել են հիվանդանոց։
Ոստիկաններն ուսումնասիրում են դպրոցում եւ շրջակայքում տեղադրված տեսախցիկների տեսագրությունները՝ հայտնաբերելու հարձակումն իրականացնողներին։