Սիրիայում սպասվող իրադարձությունները կարող են ձեռնտու լինել քրդերին, գրում է ֆրանսիական Liberation թերթը:
Ռուսների նպատակն է փակել Սիրիայի սահմանը Լաթաքիայից հյուսիսում, որպեսզի սիրիական բանակը կարողանա հասնել ապստամբների օջախներին՝ Ջեբել, Թուրքմեն եւ Ջեբել Աքրադ, որոնք սպառնում են Ռուսաստանի ռազմակայաններին: Դա անել չի հաջողվի, քանի դեռ այդ խմբավորումներն աջակցություն են ստանում Թուրքիայից: Սիրիայի բանակը նվաճել է մի շարք տարածքներ, բայց դա շատ քիչ է համեմատած նրա հետ, ինչ կարող էր նրանց տալ ռուսական ավիացիան, գրում է թերթը:
«Կարո՞ղ է իրականություն դառնալ ԻՊ-ի դեմ մեծ միությունը, որի մասին մտածում է Օլանդը: Դա նշանակում է հեռանալ ՆԱՏՕ-ի անդամ Թուրքիայից: Ֆրանսիայում հասարակական կարծիքը եւ քաղաքական դաշտի մի մասը պաշտպանում է Ռուսաստանի հետ մերձեցումը՝ ԻՊ-ին արմատախիլ անելու համար:
Դժվար է կանխագուշակել Վլադիմիր Պուտինի արձագանքը: Նա մեղադրում է Թուրքիայից «թիկունքից դանակով հարվածելու» մեջ: Ամենայն հավանականությամբ, Ռուսաստանը կսկսի ուժեղացնել քրդական ուժերին Սիրիայում, որպեսզի նրանք կարողանան իրականություն դարձնել իրենց երազանքը՝ միավորել բոլոր տարածքները մեկ ամբողջության մեջ»,-գրում է թերթը: