Թուրքիայի դեմ պատժամիջոցների սահմանումը կարող է ազդել հենց Թուրքիայի վրա, քանի որ ռուսական եւ թուրքական տնտեսությունները կախված են միմյանցից: Այսպիսի կարծիք է հայտնել ֆինանսների նախկին նախարար Ալեքսեյ Կուդրինը:
«Ես կասեի, որ Թուրքիայի դեմ տնտեսական պատժամիջոցների սահմանմանը պետք է զգուշորեն վերաբերվել (…): Ռուսաստանի որոշ ոլորտներ լրջորեն կախված են Թուրքիայի հետ առեւտրից եւ մատակարարումներից: Այդ պատճառով որոշ պատժամիջոցներ կարող են հանգեցել ամբողջական ոլորտների աշխատանքի վատթարացմանը»,- ասել է Կուդրինը:
ՏԱՍՍ-ի փոխանցմամբ, նախկին պաշտոնյան նշել է, որ ինքը կնախընտրեր քաղաքական, այլ ոչ թե տնտեսական պատժամիջոցների սահմանումը:
Ավելի վաղ հաղորդվել էր, որ Ռուսաստանի վարչապետ Դմիտրի Մեդվեդեւը հանձնարարել էր տնտեսական եւ մարդասիրական մի շարք պատժամիջոցներ մշակել՝ ռուսական Սու-24 ռմբակոծիչի հետ կապված միջադեպին ի պատասխան, որը խոցել էր թուրքական F-16-ը: