Ռուսաստանում աշխատող թուրքական բիզնես միություններն ահազանգում են Սու-24 օդանավի կործանումից հետո: Այս մասին հայտնել է ՌԴ նախագահի մամուլի խոսակ Դմիտրի Պեսկովը, փոխանցում է «ՌԻԱ Նովոստի»-ն:
«Դուք գիտեք, որ մենք հիմա թուրքական շատ կազմակերպություններից տարբեր ազդանշաններ ենք ստանում, որոնք բառացիորեն տագնապահար են: Նրանք նույնպես չեն կարողանում պատասխան գտնել այն հարցին, թե ինչու՞ է Էրդողանը դա արել»,- ասել է Պեսկովը:
Նա կարծում է, որ այդ սադրանքը չի բխում ո՛չ ՆԱՏՕ-ի, ո՛չ Ռուսաստանի, ո՛չ Թուրքիայի շահերից:
«Նման սադրիչ գործողությունները, իսկ այն, որ դա կգնահատվեր որպես սարսափելի սադրանք, պարզ էր հենց սկզբից, չեն բխում ո՛չ ՆԱՏՕ-ի, ո՛չ Ռուսաստանի, ո՛չ Թուրքիայի շահերից»,- նշել է Պեսկովը:
