Գրոհայինների մի խումբ այսօր՝ նոյեմբերի 28-ին, կրակ է արձակել Մալիում իրավիճակի կայունացման ՄԱԿ միջազգային առաքելության (MINUSMA) խաղաղապահների վրա, կան վիրավորներ: Այս մասին հայտնում է Reuters-ը՝ վկայակոչելով առաքելության ներկայացուցչին:
«Հարձակումը տեղի է ունեցել մոտավորապես առավոտյան ժամը 4-ին: Բազայի տարածքում 4 կամ 5 հրթիռ է պայթել: Մի քանի մարդ վիրավորվել է, բայց դեռ վաղ է խոսել հստակ թվի մասին»,- ասել է MINUSMA-ի սպա Օլիվեր Սալգադոն:
Մալիում անվտանգության իրավիճակը բարդացել էր նոյեմբերի 20-ին մայրաքաղաք Բամակոյում Radisson հյուրանոցի վրա հարձակման հետեւանքով, փոխանցում է «ՌԻԱ Նովոստի»-ն:
