Իրանը ծրագրում է մինչեւ 2020թ. օրական 4-7 մլն բարել նավթ արդյունահանել:Այս մասին ասվել է Թեհրանում՝ նավթագազային ոլորտի նոր պայմանագրերին նվիրված համաժողովի շրջանակում միջազգային ներդրողների համար կազմակերպված շնորհանդեսում, հայտնում է ՏԱՍՍ-ը:
Միջուկային ծրագրի մշակման պատճառով Թեհրանի դեմ պատժամիջոցներ մտցնելուց առաջ նավթի արդյունահանումն Իրանում օրական մոտավորապես 4 մլն բարել էր: Ընդ որում արտահանվում էր մոտավորապես 2.5 մլն բարել:
Փորձագետների գնահատականով, այս պահին Իրանը, որին բաժին է ընկնում աշխարհի նավթի հետազոտված պաշարների 9.3 տոկոսը ու գազի 18.2 տոկոսը, օրական մոտավորապես 2.8 մլն բարել է արտադրում:
Պատժամիջոցների չեղարկումից հետո, ինչը կարող է տեղի ունենալ արդեն գալիք տարի, Թեհրանը մտադիր է մի քանի ամսվա ընթացքում ավելացնել արդյունահանումը օրական 500 հազար բարելով:
