Նոյեմբերի 27-ին, ժամը 10.15-ին, ոստիկանության քրեական հետախուզության գլխավոր վարչության եւ «Զվարթնոց» օդանավակայանի գծային բաժնի ծառայողները օդանավակայանում հայտնաբերել եւ ՔՀԳՎ բերման են ենթարկել ՌԴ քաղաքացի, 29-ամյա Թաթուլ Գ.-ին:
Ոստիկանության մամուլի ծառայությունից NEWS.am-ին հայտնում են, որ նա նոյեմբերի 15-ից ՌԴ Դոնի Ռոստով քաղաքի թիվ 2 ոստիկանության բաժնի կողմից հետախուզվում է ՌԴ քր. օր.-ի 322-1 հոդվածի 2-րդ մասի Ա կետի հատկանիշներով հանցագործություն կատարելու համար՝ ապօրինի միգրացիայի կազմակերպում, որը կատարվել է կազմակերպված խմբի կողմից:
Հայտնաբերման մասին հայտնվել է հետախուզումը նախաձեռնողին: