Հայ սպան, որը ՄԱԿ-ի ստորաբաժանման կազմում խաղաղապահ առաքելություն է իրականացնում, չի տուժել ՄԱԿ-ի կայանի վրա զինյալների հարձակման հետեւանքով: Այս մասին NEWS.am–ի թղթակցին հայտնել են զինծառայողի գործընկերները:
«Նրա հետ առավոտյան ենք խոսել: Նա շարունակում է իր ծառայությունը»,- նշել են գործընկերները:
Ինչպես հայտնել էին ավելի վաղ, զինյալների խմբավորումը նոյեմբերի 28-ին կրակ էր բացել ՄԱԿ-ի՝ Մալիի կայունացման միջազգային առաքելության խաղապահների կայանի վրա: Կան տուժածեր, հայտնել է «Ռոյթեր» գործակալությունը՝ վկայակոչելով առաքելության ներկայացուցչին: «Հարձակումը տեղի է ունեցել առավոտյան մոտավորապես ժամը 4-ին: Կայանի տարածքում չորս կամ հինգ հրթիռ է պայթել: Մի քանի մարդ վիրավորում է ստացել, բայց առայժմ վաղ է խոսել ճշգրիտ տվյալների մասին»,- ասել է սպա Օլիվեր Սալգադոն:
