Թուրքիայի քրդաբնակ Դիարբեքիրում զինված հարձակման հետեւանքով սպանվել է Դիարբեքիրի փաստաբանների պալատի նախագահ Թահիր Էլչին։
Սպանությունը տեղի է ունեցել փաստաբանների հետ հանդիպման ժամանակ, իսկ զինված հարձակումը գրանցել են տեղում եթեր իրականացնող թուրքական հեռուստաընկերությունները։
Ոստիկանությունը կրակահերթեր է արձակել հարձակվողների ուղղությամբ, սակայն հարձակվողները հասցրել են հեռանալ։
Թահիր Էլչին օրեր առաջ հեռուստատեսությամբ հայտարարել էր, թե PKK-ն (Քուրդիստանի բանվորական կուսակցություն) ահաբեկչական չի համարում, որից հետո նրա դեմ մամուլը թիրախավորած պայքար էր տանում։