Ադրբեջանում ընտանեկան վեճը ողբերգական ավարտ է ունեցել: Ինչպես հաղորդում է ԱՊԱ-ն, Գուբայի բնակիչ մոլլա 36-ամյա Նեման Իբրահիմովը, ցանկանալով հաշտվել իր կնոջ՝ Այսելի հետ, որի հետ վերջերս էր բաժանվել, գնացել է աներոջ տուն:
Կինը հրաժարվել է հաշտվել եւ նրանց միջեւ այդ ժամանակ վեճ է ծագել: Վիճաբանության ժամանակ Իբրահիմովը դանակով վիրավորել է կնոջը , որից հետո գնացել է գյուղի գերեզմանոց եւ այնտեղ կախվել:
Այսել Իբրահիմովային տեղափոխել են Գուբայի դիագնոստիկ կենտրոն, նրա վիճակը գնահատվում է ծանր:
Դեպքի առթիվ Գուբայի շրջանի դատախազությունում քրեական գործ է հարուցվել, հետաքննությունը շարունակվում է: