Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը պնդում է, որ Մանվել Գրիգորյանի հարազատ գյուղում՝ Արշալույսում, դեկտեմբերի 6-ին կայանալիք գյուղապետի ընտրություններում իրենք ոչ մեկին չեն սատարում:
«Մենք Էջմիածնում ենք ապրում, Արշալույսի հետ ի՞նչ կապ ունենք: Ով կհաղթի, մենք նրան էլ կսատարենք»,- NEWS.am-ի թղթակցի հետ զրույցում ասաց Սեյրան Սարոյանը:
Նշենք, որ դեկտեմբերի վեցին Արշալույսում կայանալիք գյուղապետի ընտրություններում կա երկու թեկնածու՝ ՀՀԿ-ի կողմից առաջադրված, գործող գյուղապետ Զարզանդ Գրիգորյանը եւ անկուսակցական, ինքնաառաջադրված Աշոտ Սարգսյանը:
Ըստ «Հրապարակ» օրաթերթի՝ վերջինիս առաջադրել է Մանվել Գրիգորյանը, քանի որ թշնամական հարաբերություններ ունի գործող գյուղապետի հետ:
