Լոռու մարզի Գյուլագարակ գյուղում գայլերի հարձակման հերթական դեպքն է գրանցվել: Այսօր՝ նոյեմբերի 28-ին, առավոտյան 11:00-ի սահմաններում գյուղի բնակիչներից Մարտին Այվազյանը իր անասնագոմում հոշոտված է գտել իրեն պատկանող 44 ոչխար:
Գայլերը մտել են անասնագոմ, ամբողջությամբ հոշոտել 18 ոչխար, 28-ին մեծ վնաս հասցրել, ինչի պատճառով ոչխարները հարկադիր մորթի են ենթարկել, միսն էլ մեծ մասամբ տվել շներին: Պատճառված վնասը հասնում է շուրջ 1 մլն դրամի:
NEWS.am-ի թղթակցի հետ զրույցում գյուղապետ Ալեքսանդր Գրիգորյանը հայտնց, որ սա այս տարի համայնքում գայլերի հարձակման արդեն երրորդ դեպքն է:
«Դիմել ենք բոլոր պատկան մարմիններին, եկել ու արձանագրություն են կազմել վնասների հետ կապված: Բնակչությանն էլ հորոդերել են փակ պահել անասնագոմերի դռներն ու պատուհանները»,-ասաց գյուղապետը:
Նշենք, որ գայլերի հարձակումներից տուժած բնակիչները պահանջում են նախ փոխատուցում, ապա որսորդներ տրամադրել համայնքի հարակից սարերի գայլերին որսալու նպատակով:
Տեսանյութը՝ Ալեն Գրիգորյանի