«Տուրեցկիի երգչախմբի» ղեկավար Միխայիլ Տուրեցկին հայտարարել է, որ նախատեսում է փոխել համույթի անվանումը եւ հնարավոր է փոխի նաեւ սեփական ազգանունը, հաղորդում է «Նորությունների ռուսական ծառայությունը»։
Տուրեցկիի խոսքով, նման որոշումը կապված է ռուս-թուրքական հարաբերություններում առաջ եկած ճգնաժամի հետ։
«Նման կարեւոր հարցում հապշտապ որոշում կայացնելը բարդ է։ Համույթի անվանումը փոխելը դժվար չէ։ Ազգանունը փոխելը մի փոքր ավելի բարդ է, միգուցե կնոջս ազգանունը վերցնեմ»,-հայտարարել է Տուրեցկին՝ ընդգծելով, որ իր ազգանունը ոչ մի առնչություն չունի Թուրքիայի հետ։
