89 տարեկանում մահացել է ԽՍՀՄ ժողովրդական արտիստ Էլդար Ռյազանովը: Այս մասին այսօր՝ նոյեմբերի 30-ի առավոտյան, ՏԱՍՍ-ին հայտնել են ռեժիսորի ընտանիքի անդամները:
«Ցավոք,, մենք պաշտոնապես հաստատում ենք այդ տեղեկությունը»,-ասել է գործակալության զրուցակիցը: Ռեժիսորի մահվան պատճառը սրտի սուր անբավարարվածությունն է եղել:
Դեռեւս պարզ չէ Ռյազանովին վերջին հրաժեշտը տալու ժամկետն ու վայրը: «Հնարավոր է, դա լինի «Էլդար» կինոակումբը»,-ասել են ընտանիքի անդամները:
Հիշեցնենք, որ Էլդար Ռյազանովը հիվանդանոց է տեղափոխվել նոյեմբերի 21-ին: Մինչ այդ նա բուժման կուրս էր անցել սեպտեմբերին եւ հոկտեմբերին:
