Քուվեյթի էմիր շեյխ Սաբահ ալ Ահմեդ ալ Ջաբեր աս Սաբահը կառավարությունում վերադասավորություններ է արել եւ փոխել նավթի նախարարին։ Այս մասին հայտնում է «ՌԻԱ Նովոստի»-ն՝ վկայակոչելով տեղական լրատվամիջոցները։

Վերջին ժամանակներս նավթի նախկին նախարար Ալի Սալեհ ալ Ամիրը տարաձայնություններ ուներ ոլորտի առաջատար ղեկավարների հետ։ Այսպես՝ նոյեմբերի սկզբին Քուվեյթի պետական նավթային ընկերությունը հրաժարվել էր կատարել իր ղեկավարության փոփոխության մասին Ալ Ամիրի կարգադրությունը։

Այժմ  նավթի նախկին նախարարը, որն այդ պաշտոնը զբաղեցնում էր 12 տարի, նշանակվել է հասարակական աշխատանքների նախարարի եւ խորհրդարանի  հարցերով պետական նախարարի պաշտոնում։