Ղազախստանը նոյեմբերի 30-ին դե յուրե դառնում է Առեւտրի համաշխարհային կազմակերպության լիիրավ անդամ։ Այս մասին հայտնել է երկրի նախագահ Նուրսուլթան Նազարբաեւը։ Հուլիսի վերջին Նազարբաեւը ԱՀԿ-ին միանալու արձանագրություն էր ստորագրել։ Պաշտոնապես Ղազախստանը կդառնա ԱՀԿ 162-րդ անդամը դեկտեմբերի 15-ին, փոխանցում է «ՌԻԱ Նովոստի»-ն։
«Այսօր՝ նոյեմբերի 30-ին, Ղազախստանը դե յուրե դառնում է Առեւտրի համաշխարհային կազմակերպության լիիրավ անդամ։ Այս մասին պաշտոնապես կհայտարարվի ԱՀԿ գլխավոր ասամբլեայի նիստում»,- ասել է Նազարբաւեը ղազախ ժողովրդին հղված ուղերձում։
