«Ալ Կաիդա» ծայրահեղական խմբավորման չորս գրոհային ոչնչացվել է Պակիստանի Դերա-Գազի-Խան քաղաքում (Փենջաբի նահանգ): Այդ մասին տեղեկացնում է Geo TV-ն` վկայակոչելով այդ հարավասիական երկրի հակաահաբեկչական ստորաբաժանման ներկայացուցչի հայտարարությունը:
Ինչպես հայտնի է դարձել, «Ալ Կաիդայի» գրոհայինները ոչնչացվել են ՆԳՆ-ի եւ հատուկ ջոկատների համատեղ գործողության արդյունքում: Վերացված գրոհայինները Պակիստանի քաղաքացիներ էին: Հատուկ ծառայությունների տեղեկությունների համաձայն, ծայրահեղականները նախապատրաստվում էին ահաբեկչական գործողություններ կազմակերպել Փենջաբի նահանգի տարբեր բնակելի վայրերում, տեղեկացնում է ՏԱՍՍ-ը:
