Նոյեմբերի սկզբից մայրաքաղաքի վարչական շրջաններում ընթանում էր կակաչների սոխուկների տունկը, որի նպատակով Հոլանդիայից ներկրվել էր շուրջ 520 000 սոխուկ:
Քաղաքապետարանի մամուլի ծառայությունից NEWS.am-ին հայտնում են, որ դրանք պահեստավորված շուրջ 250 000 սոխուկի հետ միասին տնկվել են այգիներում, պուրակներում ու մայթերին հարակից ծաղկային տարածքներում:
Սոխուկների տունկը կազմակերպվել է նախատեսված բոլոր ագրոկանոններով, հետեւաբար, մասնագիտական նախնական եզրակացությամբ կապահովվի բարձր կպչողականություն:
Կակաչները գարնանը մայրաքաղաքում բացվող առաջին ծաղիկները կլինեն: Մինչ այդ, ավարտվել են նաեւ արդեն ծաղկած սածիլների տեղահանման աշխատանքները: