Սյունիքի մարզում նախօրեին ամուսնու սպանության մեջ կասկածվող Հազավարդ Աբգարյանն ավելի քան 30 տարի հաշվառված է եղել Սյունիքի մարզային նյարդահոգեբուժական դիսպանսերում: Այս մասին NEWS.am-ի թղթակցին ասաց դիսպանսերի տնօրեն Արարատ Վարդանյանը:
«Ավելի քան 30 տարի մեզ մոտ հաշվառված է եղել, բավականին երկար ժամանակ բուժում է ստացել մեր դիսպանսերում: Կինը տառապել է խրոնիկ հոգեկան հիվանդությամբ»,- ասաց Արարատ Վարդանյանը:
Նշենք, որ ըստ ոստիկանության՝ նախնական տեղեկություններով, նոյեմբերի 29-ին Սյունիքի մարզի Բարաբաթում գյուղում Հազավարդ Աբգարյանը ապօրինաբար կյանքից զրկելու դիտավորությամբ, տանը մուրճի և կացնի գործադրմամբ բազմաթիվ հարվածներ է հասցրել ամուսնուն՝ 76-ամյա Ռադիկ Հակոբյանի գլխին, ինչի հետևանքով վերջինս մահացել է:
Ըստ Քննչական կոմիտեի՝ դեպքի առթիվ հարուցվել է քրեական գործ Քրեական օրենսգրքի 104-րդ հոդվածի 1-ին մասով, Աբգարյանը ձերբակալված է:
