Սիրիայում զոհված ռուս օդաչու Օլեգ Պեշլովի մարմինը Թուրքիայից ուղարկել են Ռուսաստան։ Այս մասին հայտնել է TGRT հեռուստաալիքը։
Կադրում երեւում է, ինչպես են թուրք զինվորականները օդաչուի մարմինը տեղավորում օդանավում։ Կայացել է պաշտոնական ռազմական միջոցառում։
Ռուս օդաչուի մարմինը Անկարա էր ուղարկվել կիրակի թուրքական Հաթայ նահանգից։
«Սահմանը խախտելու հետեւանքով զոհված ռուս օդաչուի մարմինը հանձնել են մեզ։ Այս գիշեր Հաթայի ուղղափառ հոգեւորականների աջակցությամբ իրականացվել են անհրաժեշտ կրոնական ծիսակարգերը»,- ասել է Թուրքիայի վարչապետ Ահմեդ Դավութօղլուն, փոխանցում է ՏԱՍՍ-ը։