ԱՄՆ Քալիֆորնիա նահանգի Գուրոն քաղաքում արտառոց դեպք է գրանցվել: Հրշեջները տներից մեկի ծխնելույզում ծխահարումից մահացած տղամարդու է հայտնաբերել: Ենթադրվում է, որ նա ցանկացել է գողություն կատարել, հաղորդում է Lenta-ն՝ վկայակոչելով ABC News-ը:
Տեղի իշխանությունների խոսքով, նոյեմբերի 28-ին տանտերը վառել է բուխարին եւ անսպասելիորեն ծխնելույզից բղավոցի ձայներ լսել:
Հասկանալով, որ խողովակի մեջ մարդ կա, նա հանգցրել է կրակը եւ կանչել հրշեջներին: «Մենք չգիտենք, թե որքան ժամանակ է նա այնտեղ անցկացրել: Տանտերը նշել , որ իր իրերը ինչ-որ մեկը խառնել է: Ենթադրաբար, երիտասարդը խողովակի մեջ է մտել նախորդ շաբաթ»,-ասել են ոստիկանությունից:
Դեպքի վայր ժամանակ հրշեջները բացել են խողովակը՝ փորձելով փրկել այնտեղ խցանված մարդուն, սակայն պարզվել է, որ 19-ամյա Քոդի Քոլդուելն արդեն մահացած է եղել: Բժիշկների խոսքով, մահվան պատճառը ծխից թունավորվելն է եղել:
