Հունաստանի վարչապետ Ալեքսիս Ցիպրասը Twitter-ի իր միկրոբլոգից հեռացրել է իր անգլերեն գրառումը, որտեղ թուրք ռազմական օդաչուներին անվանել էր «նյարդային»: Սակայն մնացել է նույն գրառումը իր միկրոբլոգի հունական տարբերակում, հաղորդում է «ՌԻԱ Նովոստին»:
Ավելի վաղ Ցիպրասը դիմելով Թուրքիայի վարչապետ Ահմեդ Դավութօղլուին, նշել էր, որ բարեբախտաբար հույն օդաչուներն այդքան նյարդային չեն, որքան թուրքերինը՝ ռուսների նկատմամբ:
Սովորաբար Թուրքիան ամեն օր տասնյակ անգամներ խախտում է Հունաստանի օդային տարածքը: Նոյեմբերի սկզբից ավելի քան 50 նման խախտում է արձանագրվել, սակայն, ըստ Հունաստանի Զինված ուժերի գլխավոր շտաբի տվյալների, այն բանից հետո, երբ թուրքական ավիացիոն խոցեց ռուսական «Սու-24» ռազմական օդանավը, Անկարան կտրուկ նվազեցրել է Հունաստանի օդային տարածքի սադրիչ խախտումների թիվը: