Մեր մոլորակի ապագան կախված է որոշումներից, որոնք պետք է կայացվեն ՄԱԿ՝ կլիմայի փոփոխությունների հարցերով գագաթնաժողովի ժամանակ։ Այս մասին հայտնել է Ֆրանսիայի նախագահ Ֆրանսուա Օլանդը՝ Փարիզում բացելով գագաթնաժողովը, փոխանցում է ՏԱՍՍ-ը։ «Սա պատմական օր է։ Ֆրանսիան ընդունում է 150 պետությունների եւ կառավարությունների ղեկավարներին, ողջ աշխարհի հազարավոր պատվիրակություններին։ Խոսքը մեր մոլորակի ապագայի մասին է։ Գագաթնաժողովի արդյունքում կայացրած որոշումներից կախված է միլիարդավոր մարդկանց կյանքը»,- ասել է Օլանդը։
