ՆԱՏՕ-ն ամբողջովին աջակցում է իր օդային տարածքը պաշտպանելու Թուրքիայի իրավունքը։ Այս մասին հայտնել է դաշինքի ղեկավար Յենս Սթոլթենբերգը։ Նա նաեւ նշել է, որ Սիրիայում Սու 24-ը խոցելու միջադեպը հաստատում է ՌԴ-ի հետ էսկալացիայից խուսափելու մեխանիզմներ մշակելու անհրաժեշտությունը, փոխանցում է ՏԱՍՍ-ը։
Գլխավոր քարտուղարի խոսքով՝ ՆԱՏՕ-ի անդամ երկրների արտգործնախարարները դեկտեմբերի 1-2ը կքննարկեն Սու 24-ը խոցելու միջադեպը։
Սթոլթենբերգը նշել է, որ ՆԱՏՕ-ն Ռուսաստանին կոչ է արել կառուցողական դեր խաղալ Սիրիայում եւ պայքարել միայն ԻՊ-ի դեմ։