Վայոց Ձորում երկու տարեց կնոջ սպանության մեջ մեղադրվող անչափահաս Նարեկը տեղափոխվել է Երեւանի «Նորք» հոգեբուժական կլինիկա, որտեղ ենթարկվում է դատահոգեբանական- դատահոգեբուժական փորձաքննության: Այս մասին NEWS.am-ի թղթակցին ասաց Նարեկի փաստաբան Վահե Մարգարյանը:
«Նարեկն առնվազն 21 օր պետք է մնա հոգեբուժական կլինիկայում, որից հետո արդեն հնարավոր կլինի խոսել նրա հոգեկան առողջության մասին»,- ասաց փաստաբանը՝ նշելով, որ վարույթն իրականացնող մարմինը սպասում է հենց այդ փորձաքննության արդյունքներին:
Նշենք, որ Նարեկը տարիներ առաջ զինվորական ծառայության մեկնելու համար Երեւանում հետազոտություն էր անցել, եւ պարզվել էր, որ մտավոր հետամնաց է:
Հիշեցնենք, որ անչափահասներ Նարեկն ու Սմբատը մեղադրվում են 2015թ. հոկտեմբերի 21-ին Եղեգնաձորի 91-ամյա բնակչուհի Վ. Սիմոնյանին, ապա երեք օր անց էլ Վերնաշեն գյուղի 87-ամյա բնակչուհի Գ. Բարսեղյանին սպանելու եւ ոսկյա ականջօղերը հափշտակելու մեջ:
Պատանիները տվել են խոստովանական ցուցմունք: Նրանց մեղադրանք է առաջադրվել Քրեական օրենսգրքի 104-րդ հոդվածի 2-րդ մասի 1-ի եւ 8-րդ կետորով (Շահադիտական դրդումներով երկու կամ ավելի անձանց սպանություն): Նարեկն ու Սմբատը կալանավորված են:
