Հռոմի Ֆրանցիսկոս պապը Աֆրիկա իր այցի ընթացքում ասել է, որ քրիստոնյաներն ու մահմեդականները եղբայրներ եւ քույրեր են: Այդ մասին եկեղեցու հայրն ասել է Կենտրոնա-աֆրիկյան հանրապետության մայրաքաղաք Բանգիի մզկիթում մահմեդականներին ուղղված կոչում, գրում է Gazeta-ն` վկայակոչելով BBC-ին:
Նշվում է, որ մզկիթ այցելությունը Ֆրանցիսկոս պապի Աֆրիկա այցի ամենաբարդ մասերից մեկն է եղել :
Նա ԿԱՀ-ի զինված խմբավորումներին կոչ է արել ցած դնել զենքը եւ զինվել «արդարամտությամբ, սիրով, գթասրտությամբ եւ վստահելի զինադադարով»:
Կաթոլիկ եկեղեցու ղեկավարը նաեւ հույս է հայտնել, որ դեկտեմբերի ընտրությունները երկրի համար «նոր գլուխ» կբացեն:
Ռազմական գործողությունների հետեւանքով մահմեդականների մեծ մասը հեռացել է հանրապետության մայրաքաղաք Բանգիից, սակայն 15 հազար մարդ դեռ մնում է քաղաքում, շրջապատված քրիստոնյա ոստիկաններով:
