Չեխիայի խորհրդարանի պատգամավորների պալատի խոսնակ Յան Գամաչեկը դեկտեմբերի 1-3-ին կայցելի Հայաստան: Նա այցի շրջանակներում դեկտեմբերի 2-ին հանդիպում կունենա Վ. Բրյուսովի անվան Երեւանի պետական լեզվաբանական համալսարանի դասախոսների ու ուսանողների հետ:
Չեխիայի խորհրդարանի ստորին պալատի խոսնակը դասախոսություն կկարդա «Եվրոպական ինտեգրացիան եւ հետխորհրդային տարածքը» թեմայով:
Նշենք, որ 35-ամյա սոցիալ-դեմոկրատ Յան Գամաչեկը ամենաերիտասարդ խոսնակն է Չեխիայի ողջ պատմության ընթացքում: