Եվրոպայում ահաբեկչությունների շարքից հետո Բելգիայում ապրող 45 հազար հրեաներից շատերը դիտարկում են երկիրը լքելու տարբերակը, հայտնում է Gazeta-ն՝ վկայակոչելով The Telegraph-ը։
Բելգիայի սիոնիստական միության նախկին ղեկավար Բեթի Դաննը կասկածներ է հայտնում այն կապակցությամբ, որ ներկայումս Բելգիան հրեաների համար անվտանգ վայր է։ Նրա խոսքով՝ նախքան ահաբեկչություններն ինքը ամեն շաբաթ տեղի հրեաներից մեկական զանգ էր ստանում երկիրը լքելու կապակցությամբ։ Սակայն ահաբեկչություններից հետո նման զանգերի քանակը օրական հասնում է հինգի, պնդում է Դաննը։
«Մի քանի տարի առաջ դրանք միայն թոշակառուներն էին, որոնք ցանկանում են ապրել Իսրայելի մայրաքաղաքում։ Հիմա դրանք երիտասարդներն են իրենց երեխաներով։ Նրանք ստիպված են վաճառել տները եւ թողնել այստեղ ամեն բան։ Նրանք վախեցած են»,- պարբերականին հայտնել է Դաննը։ Ինքն անձամբ պլանավորում է ընտանիքով տեղափոխվել Թել Ավիվ եւ նշում է, որ այդ որոշումն իր համար շատ ցավալի է, քանի որ Բելգիան իր համար հայրենիք է։
Հրեական համայնքի առաջնորդները նախազգուշացնում են Բելգիայում հակասեմականության աճի մասին եւ նշում են, որ ագրեսիա են ցուցաբերում արաբական ծագումով մարդիկ։