Օրերս Ողջաբերդից դեպի Գառնի տանող ճանապարհահատվածին արտակարգ դեպք է տեղի ունեցել։ NEWS.am-ին հայտնի է դարձել, որ այդ հատվածում նոյեմբերի 28-ի գիշերը իրավապահները հայտնաբերել են մի տղամարդու՝ պարանոցը դանակով վնասված։
Նշված վայրում է եղել նաեւ տղամարդու ընկերուհին։ Պարզվել է, որ նրանք մեքենայի մեջ վիճաբանել են, որի ժամանակ ընկերուհին դանակով հարվածել է ընկերոջ պարանոցին։
Նրան շտապօգնության մեքենայով տեղափոխել են հիվանդանոց, իսկ ընկերուհուն՝ բերման ենթարկել ոստիկանության Գառնիի բաժանմունք։ Հանգամանքները պարզվում են։