Գվատեմալայի բանտերից մեկում բանտարկյալների կազմակերպած խռովության զոհերի թիվը հասել է 16-ի, հայտնում է Prensa Libre պարբերականը ՝ վկայակոչելով բանտային համակարգի ներկայացուցիչներին:
Ավելի վաղ հայտնել էին վեց զոհերի մասին, փոխանցում է «ՌԻԱ Նովոստին»:
Էսքուինթլ քաղաքի հատուկ խիստ ռեժիմով բանտում խռովություններն սկսվել էին կիրակի: Որոշ խռովարարներ զինված էին «ԱԿ-47» ավտոմատներով: Անկարգությունները ճնշելու նպատակով բանտ են ժամանել զինծառայողներ ու ոստիկանությունը:
Ենթադրվում է, որ խռովության պատճառը բանտարկյալների մրցակից խմբավորումների միջեւ թշնամանքն է եղել: Բանտի ղեկավարը նշել է, որ նրանցից ոչ մեկին չի հաջողվել փախչել բախումների ընթացքում:
