Ռուսաստանը կարող է Եգիպտոսին 25 մլրդ դոլարի վարկ տրամադրել երկրում առաջին ԱԷԿ-ի շինարարության համար, տեղեկացնում է «ՌԻԱ Նովոստին»:
Ճշտվում է, որ նախատեսված է էլեկտրակայանը կառուցել ռուսական տեխնոլոգիաներով, այն կազմված կլինի 1200-ական ՄՎտ հզորությամբ չորս էներգաբլոկից:
Կողմերը նաեւ համաձայնագիր են ստորագրել այս նախագծի համար Եգիպտոսին ռուսական արտահանման վարկ տրամադրելու վերաբերյալ:
Նախագծի վարկավորումը կիրականացվի 13 տարվա ընթացքում, 2016-ից մինչեւ 2029 թվականը: Եգիպտոսի Արաբական Հանրապետությունը, պայմանագրի համաձայն, ռուսական դրամական միջոցները կվերադարձնի 22 տարվա ընթացքում: Առաջին վճարումը նախատեսված է 2029-ի հոկտեմբերի 15-ին:
Վարկի տոկոսադրույքը կկազմի 3 տոկոս: