Սոչի-Ադլեր խճուղին հերթական անգամ ջրի տակ է անցել շարունակվող անձրեւի պատճառով: Տեղի բնակիչները նշում են, որ վերջերս ճանապարհները ջրի տակ են մնում նույնիսկ աննշան տեղումների դեպքում եւ չեն հասկանում իշխանությունների անգործությունը: Իրավիճակն ավելի աղաղակող է դարձնում Սոչիի ադմինիստրացիայի հայտարարությունը, որն արվել է ջրհեղեղի մասին հաղորդագրությունների հետ միաժամանակ. տեղի իշխանությունները հայտնել են, որ քաղաքի արտակարգ իրավիճակի ծառայությունները տեղումների պատճառով բարձր պատրաստականության ռեժիմի են բերվել եւ պատրաստ են հնարավոր արտակարգ պատահարների, տեղեկացնում է Սոչիի «Մաքս-Պորտալը»:
Նոյեմբերի 30-ին անձրեւները երկարատեւ էին, բայց ոչ ամենաուժեղը: Այնուամենայնիվ, Սոչի-Ադլեր խճուղու այն հատվածը, որն ընկած է «Գիտելիք» հանգստյան տան շրջանում, անհետացել է պղտոր ջրի հոսանքների տակ: